మనుష్యకుమారునికి విరోధముగా మాటలాడువానికి పాపక్షమాపణ కలదుగాని పరిశుద్ధాత్మకు విరోధముగా మాటలాడువానికి ఈ యుగమందైనను రాబోవు యుగమందైనను పాపక్షమాపణ లేదు.
యేసు క్రీస్తు ఈ భూమిమీద తనపరిచర్య ప్రారంభించినప్పటి నుండీ, ఎన్నో ఆశ్చర్యకార్యాలను చేసాడు. ఎక్కడికెళ్ళినా, తన చుట్టూ ప్రజలు(శిష్యులు , పరిసయ్యులు) వెంబడిస్తుండేవారు. యేసుక్రీస్తు, తాను దేవునివద్దనుండి వచ్చిన మెస్సీయ్య(మనుష్యకుమారుడు)నని, యూదులకు నిరూపించడానికి ఎన్నో అద్భుతాలను వారి కన్నుల ముందే చేసాడు. వాటిలో,దెయ్యాలను వెళ్ళగొట్టడం ఒకటి.
అలాంటి ఒక సంఘటనను లో మనం చూస్తాం. దయ్యం పట్టిన గ్రుడ్డి, మూగవాడైన ఒకడు యేసుక్రీస్తు దగ్గరికి తీసుకుని రాబడ్డప్పుడు, అయన వాడిని స్వస్థపరుస్తాడు. అక్కడున్న ప్రజలందరూ ఆశ్చర్యంతో ఇతను దావీదు కుమారుడు కాడా?, అని మాట్లాడుకుంటూ ఉంటే , ఎప్పుడెప్పుడు క్రీస్తు మీద నింద వేసి, అయన దేవుని కుమారుడు కాదని నిరూపిద్దామా అని ఆలోచించే పరిసయ్యులు అక్కడ వేచి ఉన్నారు. వారు ఎప్పుడైతే యేసుక్రీస్తును ప్రజలు దావీదుకుమారుడని సంబోధించిన మాటను విన్నారో, వీడు దయ్యాలకు అధిపతైన బయెల్జెబూలు వల్లే దయ్యాలను వెళ్ళగొడతన్నాడు కాని మరొకరిద్వారా కాదని అన్నారు.
అప్పుడు యేసు క్రీస్తు , వారికి తార్కికంగా సమాధానం ఇచ్చి, వారికున్న తప్పుడు బోధలను సరిచేస్తాడు (), అదే సందర్భంలో యేసు పరిశుద్ధాత్మకు విరోధంగా మాటలాడువానికి ఈ యుగమందైనా రాబోవు యుగమందైనా పాపక్షమాపణ లేదని చెబుతాడు. ఆయన ఈ మాట ఎవర్ని ఉద్దేశించి అన్నాడు? ఎందుకు అన్నాడు?
మొదటిగా, ఆయన ఈ మాటలను పరిసయ్యులును ఉద్దేశించి మాట్లాడాడు. బాప్తిస్మమిచ్చు యోహాను, మెస్సీయ్య గురించి, రాబోవు రాజ్యం గురించి చెప్పినప్పుడు పరిసయ్యులు వారికి ధర్మశాస్త్రం తెలిసినప్పటికీ ఒప్పుకోలేదు (). యేసుక్రీస్తు వారి కళ్ళముందు చేసిన ఎన్నో ఆర్చర్యకార్యాలు చూసినాకానీ తమ హృదయాలను కఠినపరచుకున్నారు, క్రీస్తు దైవత్వాన్ని శంకించారు. ఎన్నోసార్లు ఆయన్ని శోధించడంతో పాటుగా, ఆయనకు విరోధంగా కూడా మాట్లాడుతూవచ్చారు. కానీ ఈసారి వారు గీత దాటారు.
